Au uruyima: Êdiren Mamar Azai
Dôwule Car daa nûŋuro dagir, ina daa murda duro ciki.
Car mire dôwula Êfrika duro cii, Kûru huma suru huma «Jimena.» Mire amma huna buru wuddu ciki. Amma Kûru huma duro cika muntu ginna fûsa jaakintu dîri, arii fûsa jakintu dîri, yala adda na bîskilet daa ciki, foturoma na amma kuirai goyinti ciki. Amma kara daa na ôoru dîli dîrinni.
Ciiru Car mire dôwula Êfrika kuira kee ši, amma huna daa šiša ni amma karada bu danni ni, ciiru Car mire dêri koo gal foturon na buru dîi tafu huma na buru cûrou dîi.
Oŋko ginni amma-i kubba fatigire kee «ini numa soŋoo au ŋa haŋimmi» fattu. «Ini au ŋa kanna danni» fattu jilanu dussu jiki. Ciiru Car dôwule buru wuru.
Mîra tussu.